Чесите протестираат против намерата на владата да ја зголеми старосната граница за пензионирање од 64 на 68 години

Чешките синдикати и опозициските партии денеска протестираа против владиниот предлог за зголемување на старосната граница за пензионирање за четири години, од 64 на 68 години.

Во знак на противење на тој план, денеска пред владините канцеларии во Прага се собраа 2.000 демонстранти, пренесе АП.

„Дефинитивно не се согласуваме и ќе се обидеме да се заштитиме од тоа“, рече пред насобраните Роман Дурко, шеф на синдикалната група КОВО, која го организираше собирот.