Папата Франциск: Мирот е крајна цел дури и во случаи на самоодбрана

Папата Франциск денеска изјави дека, дури и во случаи на самоодбрана, мирот е крајната цел, нарекувајќи го конфликтот во Украина „лудило на војната“.

Папата, кој беше хоспитализиран со респираторна инфекција во средата, зборуваше преку снимена видео порака пред да му се влоши здравјето, изјави портпаролот на Ватикан.

„Војната е лудост. Тоа е надвор од разумот. Секоја војна, секој вооружен конфликт, каква било конфронтација, секогаш завршува со пораз за сите“, рече папата во неговиот последен месечен видео повик за молитва, пренесе Ројтерс.