Ужас во Црна Гора: Испукале три куршуми во човек, а потоа му го запалиле телото во шума

Три истрели биле испукани кон маж чие тело потоа било полиено со бензин и запалено во шумата кај местото Штеке, во близина на Подгорица.

Јагленисаното тело било пронајдено утрово околу 10.20 часот на неколку стотини метри од селскиот пат.

Според истите информации, телото не било целосно изгорено, што ќе им помогне на истражителите да го идентификуваат, пишува подгорички „Вијести“.

Тамошната полиција е на лице место и во тек е истрага во соработка со Вишото државно обвинителство во Подгорица. Се преземаат мерки и дејствија за утврдување на сите околности.

Се додава дека на терен се и полициски екипи со кучиња трагачи.