Макрон критикуван за изјавата дека Европа не треба да биде вазал на САД

Францускиот претседател Емануел Макрон се најде на удар на критиките од двете страни на Атлантикот откако рече дека Европа не треба да стане „вазал“ и дека мора да избегне да биде вовлечена во каков било конфликт меѓу САД и Кина околу Тајван, според „Гардијан“.

Францускиот претседател ова го изјави во интервју по тридневната официјална посета на Кина.

Макрон за „Ехо“ и „Политико“ изјави дека Европа треба да биде трета сила во светскиот поредок, по САД и Кина.