Косовскиот премиер Aлбин Курти, на новинарско прашање на српски јазик зошто не го прифатил Статутот на Нацртот на ЗСО, рече дека во 66-те или 67-те членови може да се забележи дека тој текст е последица на желбата за Република Српска во Косово.
„Нема дилема, тој нацрт не е за Србите, туку за Србија. Ние сме независна земја, која има напредок, јас сум премиер на сите граѓани, без разлика на националност или вера или каде живеат. Идејата дека некои Србите се поважни од некои други Срби затоа што општината – тоа е сегрегација. Јас сум против тоа. Ќе се борам за човекови и малцински права. Сакам едно решение со српската заедница без разлика каде живеат. Не територијална автономија, а тоа е мое длабоко убедување“, рече синоќа Курти.
Тој вели дека претходните договори „се потпишани на аматерски начин и не го поминале тестот на Уставниот суд на Косово“.
„Во тие договори се вели дека во четири општини во северниот дел командирот на полицијата мора да биде Србин. Да се биде Србин е националност, а не професионална вештина. Не може некој да биде командант затоа што е Албанец или Србин, туку да е професионалец. Кога пишуваа и тие што ги потпишаа тие договори не размислуваа многу“, додаде Курти.
Тој вели и дека Заедницата на општини со српско мнозинство е територијална конструкција и дека одговорностите се преземени од централната власт.
„Тоа не е можно на Косово. На некој начин некој вложи многу напори таа заедница да биде не само посилна од општината, туку и посилна од централната власт. Има одговорности кои се преземени дури и од независните државни институции на Косово. Тие се занимаваат и со природни ресурси, патишта, сообраќај… Значи, некој навистина сакаше да создаде нов територијален ентитет на етничка основа“, кажа Курти.
Косовскиот премиер наведе дека со стариот метод не може да се постигнат добри резултати и дека не може да има привилегирани луѓе.
„Јас сум оптимист затоа што дијалогот нема алтернатива, мораме да ги решаваме проблемите, но мораме да го правиме тоа на мирен начин. Владеењето на правото и правата на граѓаните се нешто со кое не можеме да се натпреваруваме и да правиме компромиси“, рече тој и додаде дека има некои работи за кои не се преговара.
„На пример, не можеме да преговараме за демократијата, без разлика дали е добра или не, дали луѓето ги имаат истите права. Едноставно не можеме да преговараме за такви работи“, рече Курти.