Ковачевски изрази сочувство до семејствата и пријателите на жртвите од пукањето во Белград

Премиерот на Северна Македонија, Димитар Ковачевски, изрази сочувство до Србија за трагедијата во белградското основно училиште „Владислав Рибникар“, откако денеска еден ученик уби осум ученици и чувар, а повреди уште шест ученици и наставничка.

„Од името на Владата и од мое лично име изразувам најдлабоко сочувство до семејствата на загинатите, напиша Ковачевски на Твитер.

„Нашите мисли се со српскиот народ и семејствата на починатите и повредените, со надеж за брзо закрепнување“, додаде Ковачевски.