Соединетите Американски Држави објавија дека го неутрализирале шпионскиот софтвер наречен „Снејк“, за кој велат дека во изминатите 20 години постојано го користеле руските разузнавачки служби против земјите-членки на НАТО.
„Благодарение на операцијата со висока технологија што го сврте овој злонамерен руски софтвер против себе, американските безбедносни сили неутрализираа една од најнапредните руски контраразузнавачки алатки“, рече заменик-министерката за правда, Лиза Монако во соопштението.
Прекината е долгогодишната руска сајбер-шпионска кампања во која беа украдени чувствителни информации од компјутерските мрежи на десетици земји, вклучително и САД и други земји од НАТО, пренесува АП.
Обвинителите ги поврзаа шпионските операции со единицата на руската Федерална служба за безбедност, или ФСБ, и ги обвинија хакерите за кражба на документи од стотици компјутерски системи кои припаѓаат на владите на НАТО, неидентификуван новинар на американска новинска организација која покриваше Русија и други цели од интерес за Кремљ.
„Дваесет години, ФСБ се потпираше на малициозниот софтвер Snake за да спроведе сајбер шпионажа против САД и нашите сојузници, а тоа завршува денес“, рече во соопштението помошникот-јавен обвинител на САД, Метју Олсен, шеф на Одделот за национална безбедност на американското Министерство за правда.
Специфичните цели на овие сајбер напади не се именувани, но американските власти ја опишаа шпионската кампања како значајна, успешно извлекувајќи чувствителни документи од земјите на НАТО и насочени кон американските владини агенции и други во САД.