Холивудската актерка Сузан Сарандон била приведена како една од актерките на протестот во државата Њујорк.
Протестот е организиран во знак на поддршка за работниците во рестораните, пренесува „People“.
Законодавците од државата Њујорк планираат да ја зголемат минималната плата на 17 долари на час, а работниците во рестораните кои што добиваат бакшиш, се исклучени од новиот закон.
Сузан, заедно со останатите, по целосното процесуирање на случајот е пуштена од притвор, но се појавија фотографии на кои полицајци ја однесоа со лисици.
Пред апсењето, актерката зборувала на собир каде истакнала дека овие работници се исклучително важни.
„Тие се многу, многу важни и треба да се третираат со достоинство, не само поради напорната работа што ја работат, туку и поради она што треба да го направат за да комуницираат, да разберат и да бидат трпеливи и сите работи што се дел од успешен бизнис“, рекла Сарандон.
BREAKING: Actor @SusanSarandon was arrested today at the NY Capitol in Albany at a protest demanding full minimum wage with tips for restaurant workers.
Sickening that we must battle for a living wage in the wealthiest nation on earth. To support: https://t.co/5lLBzSJIwZ pic.twitter.com/RP7NoQFbJ6
— Steven Donziger (@SDonziger) May 8, 2023
Сепак, тоа не е единствениот протест на кој таа учествувала. Само неколку дена претходно, се приклучила на протестите на Здружението на писатели на Америка.
Сузан Сарандон е позната по тоа што никогаш не се двоумела јасно да го каже своето мислење во јавноста, па се најде во фокусот на вниманието на домашните медиуми откако му се извини на тенисерот Новак Ѓоковиќ за неоправданите критики кон него.