Формирано ново граѓанско здружение “За посветла иднина”

Идејниот творец на граѓанската иницијатива „За наше Куманово“ и актуелен градоначалник на општина Куманово Максим Димитриевски информира дека вечерва во Гевгелија е формирано граѓанското здружение „За посветла иднина“, а на средбата со иницијативниот одбор за претседател е избран Ангел Купанов. „Граѓанското движење се шири низ цела Македонија, граѓаните се обединуваат и го препознаваат граѓанскиот концепт на вредности! Продолжуваме и во останатите градови во државата, во септември формираме граѓанско здружение и во Скопје!“, рече Димитриевски. Досега, граѓански здруженија се формирани во Куманово, Прилеп, Крушево, Кочани, Тетово и Гостивар.