Портпаролот на Зеленски: Претседателот не го потврди падот на Бахмут

Украинскиот претседател Володимир Зеленски не потврди дека руските сили го зазеле градот Бахмут на истокот на Украина, изјави денеска неговиот портпарол Серхиј Никифоров.

Никифоров на Фејсбук напиша дека на новинарско прашање дали е вистина дека Русите рекле дека го освоиле Бахмут, Зеленски одговорил: „Не мислам така“.

„На овој начин, претседателот негираше дека Бахмут бил окупиран“, тврди Никифоров, пренесе Ројтерс.