Во 13:00 часот завчера, полициски службеници од Единицата за внатрешни работи – Одделение за криминалистички работи го лишиле од слобода Н.Н. (27) од Скопје на подрачјето на Аеродром поради постоење основи на сомнение за извршено кривично дело тешка кражба на дрзок начин.
Според информациите од МВР, околу 11:00 часот, една 61-годишна жена од Скопје пријавила дека и бил одземен златен синџир кој го носела на улицата “Бојмија”. По извршен службен разговор со Н.Н., тој признал за кривичното дело, а исто така било извршено препознавање од страна на оштетената. Јавен обвинител бил информиран за случајот. По преземени мерки и извршени проверки, било констатирано дека пријавениот го заложил златниот синџир во заложна куќа на подрачјето на Аеродром, а потоа бил одземен и вратен на оштетената, соопшти МВР.
Судија на претходна постапка му одреди на Н.Н. мерка притвор во траење од осум дена.