Се верува дека една чаша вино дневно е добро за здравјето, но експертите велат дека не треба да претерувате.
Истражувањето спроведено пред неколку децении покажа дека една чаша вино дневно придонесува за намалување на холестеролот, помага доколку имате дијабетес и го намалува ризикот од воспаление.
Затоа преовладуваше мислењето дека чаша вино носи здравје.
Црвеното вино содржи многу антиоксиданси, компоненти кои го штитат срцето и нервниот систем и го штитат целиот организам од оксидативен стрес.
Виното содржи еден од најмоќните антиоксиданси. Ова се соединенија кои можат да помогнат во намалувањето на заситените масни наслаги во артериите.
Црвеното вино содржи и соединенија кои штитат од кардиоваскуларни болести. Кога се пие умерено, виното го зголемува нивото на ХДЛ холестерол, познат како „добар холестерол“. Танините од црвеното вино се поврзани со намален ризик од срцеви заболувања и дијабетес.
Но, новото истражување покажува дека сепак не е добро да се пие вино секој ден.
Имено, чашата вино што ја пиете секој ден може да го зголеми ризикот од разни видови на рак. Покрај ракот, виното може негативно да влијае и на кардиоваскуларниот систем. Алкохолот е штетен и за црниот дроб.
Една чаша вино, ако се испие пред спиење, може да го наруши сонот, но и имунолошкиот систем. Може да има негативно влијание врз менталното здравје.
Многу е важно да се биде умерен со алкохолот. Можете да се опуштите со чаша вино одвреме-навреме, но не правете го тоа секој ден.