Даниел Крејг ја има ќерката Ела Лаудон, која последниве месеци стана тема на светските медиуми, иако до неодамна не се знаеше како изгледа.
31-годишната девојка сега се огласи на социјалните мрежи за да ги покаже фотографиите од нејзиниот одмор со пријателите.
Иако славниот Џејмс Бонд до сега ја криеше од јавноста, Ела во последно време се почесто се појавува со нејзиниот татко на црвените килими. Се занимава со манекенство и глума, а се прослави пред се во театарот, каде што почнала да глуми на само 11 години.
Инаку, Ела е родена во бракот на Даниел и Фиона Лаудон, кој траеше само две години, од 1992 до 1994 година. Актерката го зеде презимето на мајка си, но иако ретко се појавуваат заедно во јавноста, таа и Крејг се многу блиски.
Ела исто така беше една од четирите луѓе на неговата тајна венчавка со неговата сегашна сопруга Рејчел Вајс. Покрај Ела, Крејг има уште една ќерка, која ја доби во вториот брак со актерката Вајс во 2018 година.