Три лица загинаа, а 25 се повредени во рускиот ракетен напад врз Криви Рог

Три лица загинаа, а 25 се повредени во ракетен напад на руските сили врз Криви Рог, изјави денеска началникот на областа Дњепропетровск во Украина, Серхиј Лисак.

„Напад на Криви Рог. Комплексот за противвоздушна одбрана Восток собори три крстаречки ракети. Но, има и погодоци“, напиша Лисак на Телеграм.

Тој изјави дека е погодена петкатница и дека според првичните информации загинале тројца жители на таа зграда, пренесува „Интерфакс Украина“.