Началникот на киевската полиција Андриј Небитов соопшти дека има жртви во ракетниот напад што денеска се случи во Киев.
Како што рече Небитов, во нападот биле уништени и неколку приватни куќи.
„Киев пост“ на Твитер објави слики од уништени куќи и изјава на началникот на полицијата.
„Како резултат на ракетниот напад, уништена е приватна куќа во еден од квартовите на киевската област, а има и жртви“, објави шефот на регионалната полиција Андриј Небитов.
❗️As a result of a Russian missile attack, private houses were damaged in one of the districts of #Kyiv Region, there are victims, the head of the Regional Police, Andriy Nebytov, reported. pic.twitter.com/RNmcPiYqAM
— KyivPost (@KyivPost) June 16, 2023
Во меѓувреме, воздухопловните сили на Украина на Телеграм објавија дека се уништени шест балистички ракети Кинжал, шест ракети Калибр и две беспилотни летала.
Како што беше претходно објавено, најмалку две експлозии го потресоа Киев, а сирените за воздушна опасност се огласија во моментот кога делегација на африканските земји предводена од јужноафриканскиот претседател Кирил Рамафоса престојуваше во украинската престолнина како дел од мировната мисија.
Делегацијата во која се Рамафоза и лидерите на Сенегал, Замбија, Коморските Острови и Египет, денеска треба да се сретне со украинскиот претседател Володимир Зеленски, а утре треба да отпатува за Санкт Петербург и таму да разговара со рускиот претседател Владимир Путин.