Иако рускиот претседател Владимир Путин го нарече саботниот вооружен бунт на Евгениј Пригожин и неговите платеници од Вагнер како предавство и прободување на (мајка Русија) во грб, значителен број жители на Ростов на Дон – град на југот на земјата и центарот на вчерашниот бунт – ги пречека војниците на Вагнер како херои, носејќи им храна, вода и слатки, пишува „Гардијан“.
– Конечно можеме да ги пречекаме дома. Армијата (во Украина) од самиот почеток се бореше на погрешен начин, тие извршија премногу притисок врз овие момци. И во Бахмут и на други места. И види што се случува сега? Нашата сопствена армија се обидува да не спречи да победиме во оваа војна – вели 36-годишниот Евгениј, поддржувач на рускиот напад на соседната земја, кој активно им помагал на руските војници собирајќи пари и транспортирајќи разновидна стока до руските војници во окупираните делови на Украина.
Тој смета дека шефот на Вагнер, Евгениј Пригожин, се однесувал „апсолутно коректно“ со тоа што извршил државен удар насочен кон военото раководство.
– Се надевам дека ќе победи – рече Евгениј само неколку часа пред неговиот херој Пригожин да се откаже од нападот врз Москва.
Во извештајот од Ростов на Дон, Гардијан го истакнува постоењето на бројни видеа на кои се прикажани жителите на тој град како им оддаваат почит на војниците на Вагнер или прават селфи со нив.
Fighters of PMC Wagner Group began to leave the area near the headquarters of the Southern Military District in Rostov-on-Don to return to their base camps.
Locals chanting “Wagner!” want them to stay.
Be True to Yourself! 💪 pic.twitter.com/Y3DcYgVjNO
— James Porrazzo (@JamesPorrazzo) June 25, 2023
Жителите на Ростов вчера за новинарите изјавија дека ситуацијата во градот е тензична, но мирна и дека војниците на Вагнер кои вчера де факто го окупираа Ростов се однесуваат пристојно, без разлика што меѓу нив има добро обучени платеници, но и регрути кои пристигна на фронтот директно од еден од многуте руски затвори.
Residents of Rostov-on-Don showing love and respect to Evgeny Prigozhin and PMC Wagner Group as they leave the city.
Be True to Yourself! 💪🤙 pic.twitter.com/uu6lBmRL7W
— James Porrazzo (@JamesPorrazzo) June 25, 2023
Секако, имаше и жители на Ростов кои за новинарот на Гардијан изјавија дека се многу загрижени поради можноста од вооружен судир меѓу силите на Вагнер и руската армија.
One of the Wagner fighters opened fire in the sky during the withdrawal of the PMC from Rostov while civilians celebrated the mercenaries. pic.twitter.com/HpjTj98PTm
— Dmitri (@wartranslated) June 24, 2023
Додека дел од населението им носело храна, пијалок и други потреби на платениците на Пргожин, други биле незадоволни од навлегувањето на платениците на Вагнер во нивниот град.
– Засрамете се! Дали сте заштитници на нашата татковина или не? – извика маж туркајќи велосипед покрај пет борци на „Вагнер“.
Иако вчераутро во Ростов се слушаа експлозии и пукотници околу воените објекти окупирани од силите на Вагнер, сè на сè, животот во тој град беше повеќе или помалку рутински. Во центарот на градот маж свирел на хармоника додека граѓаните мирно минувале покрај оклопните транспортери.