Писториус: Услови за членство на Украина во НАТО дури по завршувањето на војната

Германскиот министер за одбрана, Борис Писториус денеска изјави дека предусловите за влез на Украина во НАТО може да се дефинираат само по завршувањето на војната.

„Најважно за Украина е да победи. Условите за завршување на војната за агресија, која е спротивна на меѓународното право, можат да ги утврдат само Украинците. Ќе ја поддржуваме Украина се додека е неопходно да се одбрани од бруталниот руски напад“, изјави Писториус во интервју за полскиот весник „Речпосполита“.

На прашањето зошто Берлин е повнимателен за членството на Украина од повеќето членки на НАТО, германскиот министер рече дека претставниците на Киев ќе добијат рамноправно место на масата на претстојниот самит во Вилнус.