432
Просечната температура во светот измерена во понеделникот на 3 јули беше рекордно висока, објави денеска Блумберг.
Глобалната просечна температура беше 17 степени Целзиусови, што е зголемување од претходниот рекорд од 16,9 степени постигнат во август 2016 година, покажуваат податоците на Националниот центар за предвидување на животната средина на Велика Британија.
„Ова не е пресвртница што треба да ја славиме, тоа е смртна казна за луѓето и екосистемите. Ова е загрижувачки бидејќи нема да биде најтопол ден долго време“, рече Фридерике Ото, виш предавач на Институтот за климатски промени и животна средина во Грантам и додаде дека временскиот феномен „Ел Нињо“ ќе придонесе за соборување повеќе топлотни рекорди оваа година.