397
Кремљ соопшти дека „се преземаат сите мерки“ за да се спречи каков било обид за саботажа или напад на украинските сили врз нуклеарната централа Запорожје.
Двете страни деновиве тврдат дека другата планира напад на нуклеарната централа, инаку најголемата во Европа.
Дмитриј Песков, портпарол на Кремљ, рече дека последиците од саботажата може да бидат катастрофални, пред да додаде дека се преземаат чекори за да се обезбеди нејзината безбедност.
Портпаролот на Кремљ, исто така, ги отфрли информациите дека Си Џинпинг, кинескиот претседател, го предупредил Владимир Путин за нуклеарната закана, односно дека му рекол на рускиот претседател Путин да не го користи нуклеарното оружје во Русија. Песков тоа го нарече фикција.