Шумски пожар од големи размери го зафати грчкиот остров Евија, соопштија денеска пожарникарите.
Соопштено е дека во рамките на полициската акција е уапсен постар маж како одговорен за предизвикување пожар од невнимание во шумски предел, при акција на димење на пчелни кошници во атарот на селото Милаки.
Во гаснењето на пожарот, недалеку од селото Милаки, во општина Кими-Аливери и на околу 70 километри од Атина, ангажирани се 82 пожарникари и 24 противпожарни возила.
Во гаснењето учествува и авион, јавуваат медиумите.
„Пожарот е во полн ек, но засега, за среќа, куќите не се загрозени. Сепак, пожарот гори во области кои се многу недостапни за пожарникарите. Овде ќе останеме додека пожарот не биде ставен под контрола“, изјави заменик градоначалникот Никос Баракос.