Вашиот крвен притисок се смета за клучен „витален знак“ бидејќи е еден од најважните показатели за здравјето на срцето, но укажува и на ризикот од срцеви заболувања.
Крвниот притисок се однесува на силата со која вашата крв делува на ѕидовите на крвните садови, особено на артериите, додека вашето срце ја пумпа низ вашето тело. Ако крвниот притисок падне премногу низок или биде превисок, може да биде смртоносен, па затоа е важно да знаете што е најдобро за вас и да го држите подалеку од опасните зони.
„Препорачувам повеќето пациенти да го мерат крвниот притисок еднаш или двапати неделно“, вели д-р Ју-Минг Ни, кардиолог од Медицинскиот центар во Калифорнија и додава:
„Сепак, вашиот крвен притисок треба да се мери секој ден ако имате сериозни срцеви заболувања или ако го прилагодувате лекот“.
Тој нагласува дека е клучно да се евидентираат резултатите од мерењето на притисокот.
„Запишете. Не можам доволно да го нагласам ова. За да видиме дали има промена на крвниот притисок мора да го следиме“, потенцира кардиологот.