Бројот на загинати во невремето кое ја зафати Хрватска се искачи на четири, а на интернет се шират страшни видеа.
„Во невремето загина и пожарникар, две лица загинаа во Загреб, а едно во Славонија. Повеќе од 100 лица се повредени“, изјави Дамир Трут, директор на Дирекцијата за цивилна заштита за „Дневник.хр“.
Починатиот пожарникар бил на интервенција во Вуковарско-сремската жупанија.
Powerful storm in #Zagreb 19.07.2023. #Croatia pic.twitter.com/QPFTnUffWx
— 𝕕𝕖𝕘𝕖𝕟𝕖𝕣𝕚𝕔 (@d3generic) July 20, 2023
Да потсетиме, во тек е санација на штетите и чистење на улиците во Загреб по страшното невреме. Штетите се собираат и во другите делови на Хрватска кои беа погодени од невремето.
Градот Загреб утрово испрати предупредување до граѓаните.
„Ги замолуваме граѓаните да избегнуваат посета на паркови за своја безбедност додека не се санираат опасните, навалени дрвја и гранки“, предупредуваат од Градот.
Never have I ever witnessed such a storm in Zagreb. It caused absolute chaos..
Some of the footage from it, it was insane. pic.twitter.com/dZj6CGGlg7
— ACMatt (@ACMatt93) July 19, 2023
Силниот ветер носеше сè пред себе, гранки и лимени покриви, разни предмети, урнати оџаци, откорнати дрвја, градски улици и трамвајски сообраќај беа преоптоварени, а во Загреб и Загребската жупанија итните и комуналните служби имале повеќе од 1.300 интервенции.
Паднале и кранови и делови од покриви.