Најмалку десет лица загинаа, а едно е сè уште заробено откако во неделата попладне се урна покрив на училишна сала во североисточниот кинески град Кикихар, објавија кинеските државни медиуми.
Во моментот на несреќата во салата имало деветнаесет лица. Четворица успеале да побегнат, а петнаесет останале заробени, покажуваат податоците од центарот за пребарување и спасување на градот. Во првичните извештаи не беше наведена возраста на жртвите.
Спасувачите се уште работат на спасување на преживеаните.
Прелиминарната истрага сугерира дека уривањето можеби е предизвикано од неправилно поставен градежен материјал наречен перлит, кој бил оставен на покривот на салата при градежни работи на соседна зграда.
On July 23, the roof of a middle school gymnasium in Qiqihar City, Heilongjiang Province collapsed, causing many people to be trapped, and rescue is underway. #China Shi Shi #Chinanews #中国新闻 pic.twitter.com/PbpYW9edxu
— 包帝国韭菜馅 (@Colorfu33624983) July 23, 2023
Материјалот се здебелил откако ја апсорбирал водата што доаѓала од дождот и тоа довело до колапс, според прелиминарната истрага.
Одговорните за изградбата се во полициски притвор. Властите велат дека спроведуваат дополнителна истрага за случајот, пренесува Си-Ен-Ен.