Регионалниот ЦУК Куманово информира дека синоќа дошло до тешка сообраќајна несреќа при која автомобил удрил во банкина во реонот на с. Љубанци, Општина Ранковце, при што животот го загубил едно лице, а три лица се здобиле со тешки телесни повреди.
Повредените во сообраќајката се пренесени во болницата во Куманово.
Сообраќајот на тој патниот правец во период од два до 5.25 часот бил во целосен прекин.
Од Министерството за внатрешни работи излегоа со официјални информации за тешката сообраќајка. Според полицијата, загинал 21-годишник.
На 14.08.2023 во 01.28 часот во ОВР Крива Паланка било пријавено дека на магистралниот пат Крива Паланка-Ранковце, во село Љубинци, И.М.(21) од Крива Паланка, управувајќи патничко моторно возило „ауди” со кривопаланечки регистарски ознаки, изгубил контрола и со возилото удрил во банкина на патот. Од здобиените повреди, возачот И.М. починал на местото, а смрт констатирал лекар од Итна медицинска помош. Додека, сопатниците Ј.С.(21), Х.С.(22) и М.С.(21), сите од Крива Паланка, се здобиле со повреди констатирани во Општа болница Куманово.Увид на место на настанот извршила екипа од ОВР Крива Паланка, соопштија од МВР.