Претседателот на Црна Гора, Јаков Милатовиќ, денеска во Скопје, каде што се одржува самитот Брдо – Бриони, изјави дека е ентузијаст за членството на Црна Гора во ЕУ, додавајќи дека членството на Црна Гора ќе покаже дека проширувањето е живо и навистина се случува и дека не постои само на конференции.
„Ние сме ентузијасти и мислам дека не треба да престанеме да бидеме кога е ЕУ во прашање“, рече Милатовиќ на прашање на Танјуг.
Милатовиќ потврди дека имал забелешка на првиот нацрт на декларацијата во која е наведена 2030 година на начин кој, како што рече, не бил доволно прецизен и јасен.
„Она што јас инсистирав во името на Црна Гора, која долги години е во преговарачкиот процес и која најмногу напредуваше во процесот на влез во ЕУ, е дека таа е се уште доста далеку, а потоа беше направен заеднички договор за да ја поставите 2030 година како најнов датум и секоја земја да може со своја динамика во однос на подготовките и внатрешните реформи да стане членка на ЕУ многу порано од таа година“, рече Милатовиќ.
Тој оценува дека по демократските промени во Црна Гора се постигнати важни услови Црна Гора дополнително да го интензивира процесот на реформи, пред се оние кои се однесуваат на владеењето на правото.
„Навистина можеме да бидеме подготвени многу порано од 2030 година да станеме нова членка на ЕУ. Презадоволен сум од начинот на кој се одвиваше разговорот и од консензусот што го постигнавме на крајот меѓу земјите членки на процесот Брдо Бриони“, рече Милатовиќ.