Унгарскиот премиер Виктор Орбан на Демографскиот самит во Будимпешта се осврна на претстојните избори за Европскиот парламент и порача дека конзервативната струја сака да постигне значително подобар резултат.
За време на говорот Орбан рече дека е дојдено време за промени во Европската унија.
„Дојде време да се замени доминантниот дискурс во Европската унија. Сега е водена од прогресивна и либерална елита незаинтересирана за главните проблеми на граѓаните на ЕУ, како што се желбата за семејства и одгледување деца“, рече Орбан.
Наместо тоа, според Орбан, Брисел се занимава со ЛГБТ прашања.
„Европскиот парламент се занимава со глупости и не потсетува на Советите кои се обидоа да го променат текот на реките“, рече премиерот на Унгарија.
Тој посочува и дека конзервативната струја има сила да ја промени ситуацијата на изборите за Европскиот парламент во 2024 година.
„Немаме шанси да ги убедиме сегашните либерални и прогресивни елити да размислуваат поинаку. Мораме да ги тргнеме настрана, но таквата промена бара конзервативни сили ориентирани кон семејството да ја преземат власта во што повеќе земји“, заклучи Орбан.