Адвокатот Чедомир Стојковиќ денеска на својот Твитер профил објави дека поради настаните на северот на Косово во Бањска поднел кривична пријава за тероризам и помагање тероризам.
Како што наведе, поднел кривична пријава против Милан Радоичиќ, најмалку 30 непознати лица кои дејствувале на 24 септември во Бањска на северот на Косово, неколку непознати лица од врвот на државните безбедносни служби на Србија (за помагање во тероризам), неколку непознати лица распоредени во копнената безбедносна зона (за помагање во тероризам).
„Република Србија од денеска веќе нема оправдување – потпишана и поднесена е формалната кривична пријава за тероризам. Ако постапат по тоа и го уапсат Радоичиќ, има една последица. Ако одбијат да постапат по тоа (исто како што одбија да постапат по мојата кривична пријава против регрутирањето на групата Вагнер во јануари 2023 година) и одбијат веднаш да уапсат 30 лица, последицата е друга“, напиша Стојковиќ на Твитер.
🥁 Povodom događaja na Kosovu PREDAO SAM DANAS KRIVIČNU PRIJAVU ZBOG TERORIZMA I POMAGANJA U TERORIZMU
Protiv:
– Milana Radoičića;
– najmanje 30 NN lica koja su delovala 24.9.2023. u Banjskoj, Kosovo;
– više NN lica iz vrha državnih službi bezbednosti Srbije (pomaganje u… https://t.co/tVbrrlkTxm pic.twitter.com/U8h0m6DXAG— Advokat Čedomir Stojković 🇷🇸🇺🇦 (@FIGHT_4_RIGHT_S) October 4, 2023