Премиерот Димитар Ковачевски порача дека утре во Гранада, Шпанија ќе биде одржан неформален состанок на Европскиот совет за прашања кои што се значајни за нас, особено околу проширувањето на ЕУ.
-Во рамките на ЕУ се води дебата за подготовката на Унијата за прием на нови членки и процесите на пристапување кои што самите земји ги имаат. Ние се наоѓаме во одлична позиција, со оглед дека минатата година ги почнавме преговорите. Од друга страна, ЕУ има стратешки интерес и веќе отворен процес за свое прилагодување. Ќе постои динамика и на страната на земјите-кандидати за членство, меѓу кои сме и ние, но и на динамика внатре во ЕУ во однос на прилагодување на функционирањето со повеќе земји-членки, рече Ковачевски во изјава за медиумите.
Претседателот на Владата истакна дека ќе има билатерални средби со неговиот холандски и ирски колега, како и со потпретседателот на Европската комисија.
Во Гранада се оддржува третиот Самит на Европската политичка заедница.