Во останките на загинатите во авионот на Пригожин се пронајдени траги од експлозив

Во посмртните останки на загинатите се откриени траги од експлозив кога во август се урна авионот со шефот на приватната воена компанија Вагнер Евгениј Пригожин, изјави денеска рускиот претседател Владимир Путин.

„Веројатно во воздухот виси прашањето, што се случило со раководството на воената чета и така натаму. Шефот на Истражниот комитет Александар Бастрикин пред неколку дена пријавил дека во телата на жртвите биле пронајдени фрагменти од рачни бомби. Немаше надворешно влијание врз авионот, тоа е утврден факт“, изјави рускиот лидер на пленарниот состанок на Меѓународниот клуб за дискусија „Валдаи“, пренесува РИА Новости.

Путин изјави дека неколку илјади борци на Вагнер групата потпишале договори со вооружените сили на Русија.