Владата најавува дополнителни антикризни мерки од ноември

Дополнителните антикризни мерки може да се очекуваат од ноември, а до крајот на овој месец би требало да бидат и дефинирани.

Ова денеска го порача министерот за економија Крешник Бектеши одговорајќи на новинарски прашања по посетата на компанијата „Глобус“ во скопски Хром.

Тој рече дека е запознаен со некои од предлозите, но кои мерки ќе се донесат, ќе биде договорено во рамки на разговорите, заедно со стопанските комори и со сите останати засегнати страни.

Бектеши изрази благодарност, посебно до домашните производители, „кои доброволно, во одредени моменти, ги намалуваат цените“.