Фон дер Лејен: Постои реален ризик конфликтот меѓу Израел и Хамас да се прелее во регионот

Претседателката на Европската комисија, Урсула фон дер Лејен денеска предупреди дека постои „реален ризик“ конфликтот меѓу палестинската милитантна група Хамас и Израел да се прелее во целиот регион.

„Видовме арапски улици исполнети со гнев низ целиот регион. Затоа, ризикот од регионално прелевање е реален“, рече таа за време на говорот во Институтот Хадсон во Вашингтон, пренесе „Гардијан“.

Потсетуваме, синоќа Фон дер Лејен и претседателот на Европскиот совет, Шарл Мишел, се сретнаа со двопартиска делегација од Сенатот на САД, пред самитот ЕУ-САД.