Наутро магливо, попладне со температура до 28 степени

Во утринските часови ќе има појава на значителна ниска облачност долж Повардарието. Во текот на денот сончево и потопло со умерен до засилен ветер од јужен правец, информираат од УХМР за денешната временска прогноза.

Минималната температура ќе биде во интервал од 6 до 14, а максималната ќе достигне од 23 до 28 степени.

Во Скопје наутро со појава на значителна ниска облачност, во текот на денот сончево со умерен до засилен југоисточен ветер. Максималната температура ќе се искачи до 25-от степен.

Следува период на променливо облачно време со сончеви периоди и потопло. Во сабота ќе дува засилен јужен ветер, а во текот на ноќта кон недела ќе има преодно дестабилизирање со локален пороен дожд.