Словенија на полноќ воведе полициски контроли на границата со Хрватска и Унгарија, а оваа мерка ќе важи најмалку 10 дена.
Словенија воведе контроли откако Италија ја објави истата мерка на границата со Словенија, а како причина се наведува зголемените безбедносни ризици поради организираниот криминал, ескалацијата на тензиите на Блискиот исток и зголемениот прилив на мигранти, пренесe СТА.
Министерот за внатрешни работи на Словенија, Боштјан Поклукар, изјави дека граѓаните кои живеат во близина на границата и покрај воведените контроли ќе можат да продолжат да живеат нормално, истакнувајќи дека и дал инструкции на полицијата да го овозможи тоа.
Ќе бидат отворени 14 контролни пунктови за патници – 12 на границата со Хрватска и две на границата со Унгарија, соопшти СТА.