Распространетите обиди за сузбивање на пропалестинското расположение во САД, по нападите на Хамас врз Израел, доведоа до откажување на големите конференции, поттикнаа повици за отпуштање работници кои изразуваат поддршка за Палестинците и доведоа до кампањи на заплашување против оние кои се критични за израелската политика.
Претходно оваа недела, водечка американска еврејска група принуди да се откаже националната конференција на голема палестинска кампања, велејќи дека тоа е фронт за Хамас, кој уби повеќе од 1.400 Израелци и киднапира речиси 200 луѓе во своето дивеење од Газа, пишува Гардијан.
Палестинско-американски активисти велат дека телевизиските мрежи исто така цензурирале или откажале интервјуа. НПР и Би-Би-Си ја повлекоа рекламата за широко пофалената нова книга за израелско-палестинскиот конфликт по кампањата за „поплаки од слушателите“.
Православната еврејска стопанска комора прогласи „победа“ откако изврши притисок врз хотелите „Хилтон“ да го откаже настанот „Американска кампања за палестинските права“ во Хјустон кон крајот на овој месец, на кој требаше да се појави конгресменката Рашида Тлаиб, која е дете на палестински мигранти, како главен гворник.
Повеќе на Гардијан!