Од почетокот на годината во руската армија се приклучиле 385.000 луѓе

Од почетокот на годината во руската армија се приклучиле 385.000 луѓе, од кои 80.000 се доброволци, изјави заменик-претседателот на Советот за безбедност на Русија, Дмитриј Медведев на состанокот за регрутирање на руските вооружени сили.

„Од 1 јануари до 25 октомври речиси 385.000 луѓе стапиле во воена служба, од кои 305.000 воени лица биле регистрирани според договорот за воена служба и околу 80.000 доброволци“, рече Медведев, пренесе Тасс.

Според него, „темпото на прифаќање воена служба по договор е значително зголемено“ и секој ден над 1.600 луѓе склучуваат договори со вооружените сили.

Медведев истакна дека секој од војниците заслужува максимална почит и ќе им биде укажана сета потребна поддршка.