Израелските одбранбени сили (ИДФ) денеска соопштија дека командантот на баталјонот Западен Кан Јунис Хамас, Мадхат Мубашер е убиен синоќа во израелски воздушен напад врз Појасот Газа.
Според соопштението, Мубашер „учествувал во бројни снајперски напади и е одговорен за поставување големи експлозивни направи што се користат против силите на ИДФ и израелските населби“.
Во изминатите 24 часа беа извршени повеќе од 250 воздушни напади врз цели на Хамас во Појасот Газа, јавуваат израелските медиуми.
Мета биле подземни тунели, командни центри и десетици оперативци, соопшти армијата.
Војската потврди и дека едно беспилотно летало паднало во појасот Газа и дека тоа е резултат на техничка грешка, така што нема ризик од протекување чувствителни информации.
Израелските сили синоќа повторно влегоа во Појасот Газа како подготовка за очекуваната копнена офанзива, додека ракетниот истрел на Израел од таа палестинска територија, по затишје од десет часа, продолжи.