Шеесет лица беа уапсени откако голем број антиизраелски демонстранти упаднале на аеродромот во Махачкала во неделата.
Аеродромот се наоѓа во руската република Дагестан, јави руската новинска агенција РИА Новости, повикувајќи се на локални истражители.
Беше наведено и дека полицијата идентификувала 150 „најактивни“ демонстранти.
In #Dagestan, a crowd stormed the building of Makhachkala airport in search of Jews from a flight from Tel Aviv. pic.twitter.com/TaBvakBKIE
— NEXTA (@nexta_tv) October 29, 2023
Инцидентите се случиле откако слетал авион од Тел Авив.
За време на немирите повредени се 20 демонстранти, како и девет полицајци, од кои двајца се хоспитализирани.
Водачот на Дагестан, Сергеј Меликов, изјавил дека аеродромот повторно ќе биде оперативен „во рок од два до три дена“.
Синоќа, безбедносните сили отстраниле граѓани кои неовластено влегле на аеродромот во Дагестан, откако група луѓе предизвикале немир при слетувањето на авион од Тел Авив, околу 22:20 часот по московско време.
Jewish pogrom at the airport in Makhachkala (Russia) Pogromists are looking for those arriving on flights who arrived in Makhachkala. there is a danger of lynching! Policee do nothing!Very dangerous!!! I pray!!! pic.twitter.com/mFijxvEFpf
— Chief Rabbi Of Ukraine Moshe Azman (@RabbiUkraine) October 29, 2023
Толпа луѓе се упатиле кон пистата на аеродромот, а како што пренесуваат руските агенции, тие што се пробиле најверојатно се обиделе да стигнат до патниците кои слетале од Израел.
Авионите кои требаше да слетаат на тој аеродром беа пренасочени на други аеродроми.