Подготвувањето чинија пилешка супа за некој кога е болен е практика што е ширум светот со векови и не е резервирана само за нашите простори.
Денес луѓето ширум светот знаат за пилешката супа како универзална помош за време на настинка, пишува Popular Science.
Потеклото на пилешката супа датира илјадници години, до античка Кина.
Како што истакнува д-р Колби Тиман, целата приказна за пилешка супа има многу смисла, бидејќи амино киселините се градбени елементи на протеините, а аминокиселината се наоѓа во храната со „месен“ вкус. Сепак, не сите намирници кои го имаат овој вкус се месо или живина; го имаат и сирењето, печурките и соја сосот.
Истражувањата покажуваат дека вкусот е клучен за лековитите својства на пилешката супа. Пациентите со болести на горниот респираторен тракт генерално јадат помалку или воопшто не јадат, бидејќи акутните болести предизвикуваат воспалителен одговор кој го намалува апетитот. И ако не јадеме, не ги добиваме хранливите материи што ни се потребни за да се опоравиме.
Резултатите од истражувањето покажуваат дека примамливиот вкус на пилешката супа може да го поттикне апетитот. Учесниците во едно истражување изјавиле дека се чувствувале гладни по првата лажица супа.
Други истражувања сугерираат дека вкусот на месото го подобрува варењето на хранливите материи. Кога нашиот мозок ќе го почувствува тој вкус преку рецепторите за вкус на јазикот, телото го активира дигестивниот тракт за полесно да ги апсорбира протеините.
Ова автоматски влијае на намалување на гастроинтестиналните проблеми. Иако повеќето луѓе не ја поврзуваат инфекцијата на горниот респираторен тракт со стомачни проблеми, студиите покажаа дека кај децата, вирусот на грип ја зголемува стомачната болка, гадење, повраќање и симптоми на дијареа.
Намалување на воспалението и затнат нос
Воспалението е природна реакција на телото на повреда или болест; воспаление се јавува кога белите крвни зрнца мигрираат во воспаленото ткиво за да помогнат во заздравувањето. Кога овој воспалителен процес ќе се појави во горниот респираторен тракт, резултира со настинка, проследена веднаш со затнат или растечен нос, кивање, кашлање и згустена слуз.
Но, ако има помала активност на белите крвни зрнца во носот, ќе се создаде помало воспаление.
Интересно, истражувањата покажуваат дека пилешката супа всушност може да го намали бројот на бели крвни зрнца кои патуваат до воспаленото ткиво. Тоа го прави на начин што директно ја инхибира способноста на неутрофилите, еден вид бели крвни зрнца, да патуваат до воспаленото ткиво.
Клучни состојки
За вистински да ги разберете смирувачките и лековитите ефекти на пилешката супа, важно е да знаете кои состојки да ги користите.
Важно е да се користи пилешко кое му обезбедува на телото целосен извор на протеини за борба против инфекцијата. Зеленчукот обезбедува различни витамини, минерали и антиоксиданси. Тестенини се таму за да му дадат на телото јаглехидрати, кои се важни за енергија и побрзо закрепнување.
Ако додадете бибер и лук во супата, овие состојки ќе го омекнат слузот.
Самата супа е одличен електролит, што е многу важно ако настинката е проследена со температура.
Накратко, најновата наука сугерира дека пилешката супа – иако не е апсолутен лек за настинки и грип – помага во лекувањето.