Високиот претставник на Европската унија за надворешна политика и безбедност, Жозеп Борел, е „шокиран“ од големиот број жртви во израелското бомбардирање на бегалскиот камп Џабалија во Појасот Газа и нагласи дека обврската за заштита на цивилите е морална и законска.
„Надоврзувајќи се се на јасната позиција на Советот на ЕУ дека Израел има право да се брани во согласност со меѓународното хуманитарно право и обезбедувајќи заштита на сите цивили, шокиран сум од големиот број жртви по израелското бомбардирање на бегалскиот камп Џабалија“, напиша Борел на платформата X.
Building on EU Council’s clear stance that Israel has the right to defend itself in line with international humanitarian law and ensuring the protection of all civilians, I am appalled by the high number of casualties following the bombing by Israel of the Jabalia refugee camp.
— Josep Borrell Fontelles (@JosepBorrellF) November 1, 2023
Израел денеска повторно, втор ден по ред, го гаѓаше бегалскиот камп Џабалија, објави палестинската агенција ВАФА, наведувајќи дека во нападот загинале и ранети се десетици цивили.
Како што е наведено, Израел со неколку проектили целел на станбена зона во областа Ел Фалуг во кампот Џабалија.
Израелските сили и вчера ја бомбардираа Џабалија при што загинаа најмалку 50 луѓе.