203
Израелските сили го убија Мустафа Далул, командант на баталјонот на Хамас „Сабра Тел ел Хава“, кој одигра клучна улога во водењето на борбата против Израел во Појасот Газа, соопшти израелската армија.
„Израелските авиони, дејствувајќи врз основа на разузнавачки податоци, го убија Мустафа Далул, командант на баталјонот Сабра Тел ел Хава, кој од почетокот на војната имаше централна улога во битките против израелската армија во Појасот Газа“, стои во соопштението.
Се додава дека Далул во последните години имал неколку позиции во баталјоните и бригадите на Хамас во Газа.