Полицајци пукале во воздух за да фатат велешанец кој почнал да бега кога бил фатен со марихуана

Синоќа 15 минути после полноќ во Велес, од полициски службеници од СВР Велес е лишен од слобода М.М.(29) од Велес затоа што кај него била пронајдена и одземена марихуана.

-Околу 00.15 часот на ул. „Вардарска“ во Велес полициски службеници од СВР Велес запреле патничко возило „пасат“ со велешки регистерски ознаки, а М.М. , кој седел на совозачкото место, се обидел да избега, но бил спречен од полициски службеници, при што бил испукан и еден предупредувачки куршум во воздух, соопштија од полицијата.

Исто така, во ПС Велес извршен е службен разговор и со  А.Н. (36) од Велес, кој го управувал возилото. По целосно документирање на случајот ќе биде поднесен соодветен поднесок.