Социјалниот центар Дуња во сабота (18.11) организира протест пред Влада за солидарност за народот во Палестина.
Во најавата за протестот велат дека протестираат против „угнетувањето и уништувањето на народот на Палестина“.
„Ги поддржуваме барањата за итен прекин на нападот над Газа и операциите во Западниот Брег.
Протестираме и го изразуваме нашиот револт против срамната и нечовечна одлука на Владата со која не ја поддржа Резолуцијата на Обединетите Нации за хуманитарен прекин на огнот.
Протестираме и бараме КРАЈ НА ОКУПАЦИЈАТА, ослободување на сите политички затвореници, враќање на бегалците во нивните домови, и постигнување на долготрајно решение за траен мир врз принципите на еднаквост, правичност и взаемно почитување. СЛОБОДА ЗА ПАЛЕСТИНА!“, се вели во најавата.