Исламистичките милитанти ќе претставуваат закана за САД и Европа доколку Израел ја загуби сегашната војна со Хамас, тврди израелскиот премиер Бенјамин Нетанјаху. Западните земји ќе бидат следни по ред, тврди Нетанјаху, доколку неговата земја пропадне.
Нетанјаху ги отфрли сите повици за прекин на огнот, инсистирајќи дека за Хамас тоа би значело дека се предаваат.
Во понеделникот, Нетанјаху побара поддршка од сојузниците на Израел за време на состанокот со новинарот на „Фокс њуз“, Шон Ханити, велејќи: „Мораме да победиме не само поради нас, туку и поради Блискиот Исток“, како и „за нашите арапски соседи“ и светот во целост.
„Мора да победиме за да го заштитиме Израел. Мора да победиме за да го заштитиме Блискиот Исток. Мора да победиме за доброто на цивилизираниот свет. Тоа е битката која ја водиме и се води токму сега. Нема замена за таа победа“, продолжи тој, додавајќи „Ако ние не победиме сега, тогаш Европа е следна, а потоа вие“.
„Нашата борба е ваша борба“, вели Нетанјаху.
Тој продолжи да тврди дека постои „оска на терор“ меѓу Хамас во Газа, Хезболах во Либан, Хутите во Јемен и иранската влада, тврдејќи дека Техеран се обидува да ги „врати Блискиот Исток и светот во мрачните времиња“.
„Од другата страна е Израел, модерните арапски држави, се разбира САД, сите сили кои сакаат да видат мир, просперитет за Блискиот Исток и за светот“, додаде Нетанјаху.