Во врска со објавите на социјалните медиуми за Марко Давчев од Струмица, кој се оддалечил од домот во Струмица, пријавено во Полициската станица Струмица на 09.12.2023 од страна на неговиот татко Т.Д.(64), МВР информира дека од страна на СВР Струмица веднаш се преземени мерки и активности за негово пронаоѓање.
-Меѓу другото, извршени се проверки на граничните премини кон Бугарија, земја во која лицето редовно одело во посета на неговата мајка, при што е утврдено дека М.Д. остварил излез од државата на 06.12.2023 во 18.20 часот на Граничен премин Ново Село, велат од полицијата.
Се преземаат и дополнителни мерки за расчистување на случајот.
Претходното неговото семејство побара помош и испрати апел до јавноста. Според нив, од Марко немало ни трага ни глас веќе една недела.