Украина повторно е цел на тешки воздушни напади на руските сили, соопштија официјални лица, по два дена жестоки борби и гранатирање од двете завојувани страни.
Повеќето од нападите биле насочени кон југот и истокот на земјата, но експлозии биле регистрирани и во главниот град Киев.
Москва беше погодена и од украински напади врз рускиот пограничен град Белгород во саботата, при што загинаа најмалку 24 лица.
Ова уследи по руските воздушни напади ширум Украина во петокот.
Киев вели дека нападите, во кои загинаа најмалку 41 лице, се најтешките бомбардирања од почетокот на речиси двегодишната војна.
Последните руски напади врз Украина влегоа во последниот ден од 2023 година.
Рано наутро во неделата, украинската авијација уништи 21 од 49 руски дронови лансирани во текот на ноќта, соопшти Киев.
Најголемиот број биле насочен кон регионите Харков, Херсон, Николаев и Запорожје.
Украинската противвоздушна одбрана беше многу активна околу Киев во саботата навечер за да спречи напади со руски беспилотни летала, соопштија воени претставници на Телеграм каналот.
Гувернерот на регионот Харков изјави дека 28 лица се повредени во најмалку шест ракетни напади врз овој пограничен град во текот на ноќта.