ВУЛКАН во југозападен Исланд еруптираше денеска, објави тамошната метеоролошка служба, што ја прави петта ерупција на полуостровот Рејкјанес од 2021 година.
Хеликоптер на крајбрежната стража беше испратен за да ја процени ситуацијата и точната локација, соопшти агенцијата за цивилна заштита. Ерупцијата започна северно од рибарскиот град Гриндавик, но сè уште не е јасно од каде точно доаѓа лавата или во кој правец тече, објави радиодифузерот RUV.
Eldgosið er við Grindavík. pic.twitter.com/RmY3d9o51r
— Birkir (@birkirh) January 14, 2024
Последната ерупција на полуостровот започна во вулканскиот систем Сварценги на 18 декември, по евакуацијата на сите 4.000 жители на градот Гриндавик и затворањето на геотермалната бања Blue Lagoon, популарна туристичка дестинација.
На крајот Гриндавик бил поштеден бидејќи лавата течела во различен правец од градот. Лежејќи помеѓу евроазиските и северноамериканските тектонски плочи, двете најголеми на планетата, Исланд е сеизмичко и вулканско жариште на активност додека двете плочи се движат во спротивни насоки.