Русија станува посилна во сите области, вклучувајќи ја и економијата, која е на петтото место во светот, изјави рускиот претседател Владимир Путин.
„Ја зајакнуваме државата во сите правци, од кои прва е економијата“, рече Путин одговарајќи на новинарски прашања.
„И покрај сите ограничувања и сите тешкотии со кои се соочуваме, руската економија стана прва во Европа во однос на паритетот на куповната моќ. Го зазедовме првото место во Европа и станавме петта економија во светот. Тоа се Кина, САД, Индија, Јапонија и Русија“, потсети тој.
Според претседателот, Русија треба да направи уште многу за да ја зајакне својата независност и суверенитет, пред се во технолошката сфера, во економијата и во други важни области.
„Ние се справуваме со тоа и генерално не без успех. Имаме на што да работиме, но имаме и со што да се гордееме“, нагласи шефот на државата.
Тој додаде дека растот на рускиот БДП во 2023 година би можел да надмине четири отсто.