„Во Формула 1 се подготвува голема бомба“, е насловот на написот на шпански „As“, во кој мадридскиот весник открива во кој тим ќе ја продолжи кариерата Луис Хамилтон (39).
„Блиску сме до потпишување на деценијата во Формула 1. Хамилтон е на чекор до Ферари. Конечниот договор допрва треба да биде постигнат, но седумкратниот светски шампион сака да се обиде да ја освои осмата титула во црвениот болид“, пишува изданието, чие пишување го потврдија „BBC“ и „Sky Sports“.
Хамилтон треба да пристигне во Ферари во 2025 година, што значи дека Шпанецот Карлос Саинц ќе го напушти италијанскиот тим. Италијанците во Хамилтон гледаат возач кој заедно со Шарл Леклер ќе ги врати на врвот. Ферари ја чека титулата кај возачите од 2007 година, а титулата кај конструкторите од 2008 година.
Последната титула Хамилтон ја освои во 2020 година. Една година подоцна ја загуби титулата на последната трка, а потоа дојде доминацијата на Ред Бул и Макс Верстапен. Минатата сезона Хамилтон заврши на третото место со Мерцедес.