Европската комисија ја информираше грчката национална компанија за произвoдство на струја „Паблик пауер корпорејшн“ (ППЦ) за нејзиниот прелиминарен став дека ги прекршила антимонополските правила на ЕУ со продажба на електрична енергија на грчкиот пазар на големо, со што ги исклучила нејзините главни ривали.
ППЦ е најголемиот снабдувач на мало и големопродажба на електрична енергија во Грција, во која грчката држава има важен малцински удел. Помеѓу 2013 и 2019 година, ППЦ го контролираше целиот лигнит и хидро капацитет, како и некои од постројките за производство на природен гас и обновливи извори на енергија. Беше активна и во снабдувањето со енергија на малопродажните и деловните потрошувачи.
Прелиминарниот став на Комисијата е дека ППЦ имала доминантна позиција на меѓусебно поврзаниот грчки пазар на големо на електрична енергија, кој во односниот период го опфаќал грчкото копно, како и јонските и неколку острови во Егејското Море.
Комисијата има прелиминарна загриженост дека, помеѓу 2013 и 2019 година, ППЦ ја злоупотребила својата доминантна позиција на грчкиот пазар на големопродажба на електрична енергија со тоа што ја снабдувала електричната енергија произведена од нејзините термоцентрали (т.е. лигнит и гас) по цени под нивните варијабилни трошоци (што значи оние трошоци кои се зголемуваат со обемот на електрична енергија произведена од ППЦ).
ППЦ е присутна и на македонскиот пазар, а го предводеше и конзорциумот за изградба на хидроцентралата Чебрен, кој пропадна откако компаниите не доставија банкарска гаранција. Компанијата е основач на ЕДС која учествува на слободниот пазарот за снабдување со енергија, на домаќинствата и малите потрошувачи што е во тек.
Според тендерската документација, грчката компанија требаше да ја изгради хидроцентралата на Црна Река од околу 1 милијарда евра и во наредните 60 години да биде сопственик на две третини од централата. Беше предвидено Владата да биде сопственик на една третина.