Се урна американски воен хеликоптер, потврдена смртта на петмина маринци

Американската војска денеска ја потврди смртта на петмина маринци од хеликоптерот кој се урна во планините во близина на Сан Диего поради невреме.

Хеликоптерот Super Stallion исчезна од радарите во вторникот вечерта додека се враќаше во базата на маринскиот корпус во Мирамар, Сан Диего, по тренинг лет северозападно од Лас Вегас, јавува АП.

Авионот бил пронајден во средата наутро во близина на планинското одморалиште Пајн Вали.